Uncategorized
छत्तीसगढ़ राज के स्थापना दिवस के जम्मो झन ल बधाई अउ जोहार अब होही नवा बिहान ,,,,,
राज न्यूज 24 चैनल छत्तीसगढ़ सहसंपादक मुकेश राजपूत कि रिपोर्ट गरियाबंद अब होही नवा बिहान ,छत्तीसगढ़ होगे सज्ञान चलो जूरमिल जयकारा लगाबो, जय हो जय हो छत्तीसगढ़ गाबो। अरपा पैरी महानदी के कलकल जिहां धार हे, कोयला लोहा टीना के भरे जिंहा भंडार हे। देवभोग म हीरा के खदान घलो पाबो। चलो जूरमिल जयकारा लगाबो, जय हो जय हो छत्तीसगढ़ गाबो। धान के कटोरा हमर छत्तीसगढ़ महतारी, भौरा बांटी खेलेने जेकर अंगना दुवारी। राम के ममा हमूमन कहाबो। चलो जूरमिल जयकारा लगाबो, जय हो जय हो छत्तीसगढ़ गाबो। साल सागौन चार तेंदू बस्तर के चिन्हारी, बस्तर महारानी दंतेवश्वरी महतारी। ढोलकल गणेश के जोहार कर आबो। चलो जूरमिल जयकारा लगाबो, जय हो जय हो छत्तीसगढ़ गाबो। डोंगड़गढ़, रतनपुर,चंदरपुर खल्लारी, पग पग म बसे हे देवी देवता मन भारी। नर नारी मिलके दरसन करके आबो चलो जूरमिल जयकारा लगाबो, जय हो जय हो छत्तीसगढ़ गाबो। भिलाई ,कोरबा ,बैलाडीला इहाँ के शान हे, बनभईसा पहाड़ी मैना इहाँ के पहिचान हे। गढ़बो नवा छत्तीसगढ़ सब ल देखाबो। चलो जूरमिल जयकारा लगाबो, जय हो जय हो छत्तीसगढ़ गाबो। खैरागढ़ म कला संगीत, रायपुर म किसानी, सत्य साई म लईका मन के बांचे जिनगानी। दुनिया बर नवा मिसाल बन जाबो चलो जूरमिल जयकारा लगाबो, जय हो जय हो छत्तीसगढ़ गाबो। शिक्षा के जोत ल सबो जूरमिल जलाबो, नोनी बाबू दुनों झन ल संगे संग पढाबो। पढ़े लिखे बर सबला स्कूल लेके जाबो। चलो जूरमिल जयकारा लगाबो, जय हो जय हो छत्तीसगढ़ गाबो।
